306 TESTAMENTS ENREGISTRÉS AU PARLEMENT DE PARIS (546)

qu'elle ait et lui appartiengne tous les biens qu'elle a apportez avec nous, c'est assavoir, robes, joyaulx et autres teles ehoses.

Et pour toutes les choses contenues et escriptes en nostre present testament ou derreniere voulenté entériner et acomplir nous avons fait, ordené et establi, faisons, ordenons et establissons nos executeurs et feaulx commissaires, nostre dicte Compaigne_H seule et pour le tout, et avecques elle, pour lui estre en aide, conseillier et conforter, entériner et acomplir nostre dicte ordenance, nos amez et feaulx chambellans, les sires de Goy et de Gaigny, nostre conseillier, maistre Etienne de la Charité, nostre Chapellain, messire Pierre Corsin; ausquelx nos executeurs, lesquelx ou aucuns d'eulx ne pourront en ce aucune chose besongner sans nostre dicte Compaigne, nous avons donné et donnons povoir et auctorité de entériner, faire, acomplir et mettre à execucion nostre dicte presente ordenance, testament ou derreniere voulenté.

Et es mains d'iceulx nos executeurs qui en ce vouldront vaquer et entendre, en especial es mains de nostre dicte Compaigne, nous avons mis et baillie, mettons et baillons par ces presentes la possession et saisine de tous noz biens meubles, heritages et conquestz, et des maintenant les en avons saisiz et vestuz, saisissons et vestons, et les soubztnettons à la jurisdicion de la cour souveraine de Parlement de mon dit seigneur le roy à Paris, pour iceulx estre venduz et ade-nerez par nos diz executeurs, en la maniere dessus dicte, pour nostre dit present testament et ordenance acomplir et entériner, en revocant, comme dit est dessus, tous autres testamens par nous faiz avant la date de ces presentes, et nous voulons que nostre present testament vaille et tiengne par la meilleur forme et maniere que valoir pourra et devra.

Et afin qu'il soit à tous notoire que ce vient de nostre voulenté et ordenance, et que plus grant foy y soit adjoustée, nous avons signé et fait seeller ce present testament de nostre seel de secret en l'absence du grant, en presence de nos amez et feaulx chambellans, les sires de Goy et de Gaigny, Jacob Loron, maistre de nostre hostel, mes-